ພະແນກວິທະຍາສາດ ແລະ ເຕັກໂນໂລຊີ (ພວຕ) ຈັດກອງປະຊຸມເປີດບັ້ນແຂ່ງຂັນ 4 ບຸກຂອງໜ່ວຍຊາວໜຸ່ມ ພວຕ

ຕອນບ່າຍເວລາ 14:00 ຂອງວັນທີ 27 / 6 / 2017 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ໄດ້ຈັດກອງປະຊຸມເປີດບັ້ນແຂ່ງຂັນ 4 ບຸກຂອງໜ່ວຍຊາວໜຸ່ມ ພວຕ ໃຫ້ກຽດເຂົ້າຮ່ວມເປັນປະທານໂດຍທ່ານ ໄຊນະຄອນ ສຸດທິດາ ຮອງເລຂາຄະນະບໍລິຫານງານຊາວໜຸ່ມແຂວງ ມີທ່ານ ສີປະເສີດ ເພັງສະຫວັດ ຄະນະໜ່ວຍພັກພະແນກ ມີທ່ານອານຸວົງ ສຸລິວົງ ເລຂາຊາວໜຸ່ມໜ່ວຍ ພວຕ ແລະ ຜູ້ຕາງໜ້າອົງການຈັດຕັ້ງ ກໍາມະບານ ແລະ ແມ່ຍິງ ມີບັນດາສະມາຊິກຊາວໜຸ່ມອ້ອມຂ້າງ ແລະ ພາຍໃນ ພວຕ ເຂົ້າຮ່ວມທັງໝົດ 28 ສະຫາຍ ຍິງ 14 ສະຫາຍ. ຈຸດປະສົງແມ່ນເພື່ອ ຜ່ານບົດສະຫຼຸບການເຄື່ອນໄຫວວຽກງານຂອງໜ່ວຍຊາວໜຸ່ມ ພວຕ ປະຈໍາປີ 2016 ແລະ ທິດທາງແຜນການເປີດຂະບວນການແຂ່ງຂັນ 4 ບຸກ ປະຈໍາປີ 2017.


ໃນພິທີປະຊຸມທ່ານ ໄຊນະຄອນ ສຸດທິດາ ຮອງເລຂາຄະນະບໍລິຫານງານຊາວໜຸ່ມແຂວງ ກໍ່ໃຫ້ກຽດໂອ້ລົມຕໍ່ສະມາຊິກຊາວໜຸ່ມ ໃຫ້ເອົາໃຈໃສ່ເສີມຂະຫຍາຍຄົ້ນຄວ້າ ຂໍ້ແຂ່ງຂັນ 4 ບຸກ ເຂົ້າໃນຂົງເຂດວິທະຍາສາດ ແລະ ເຕັກໂນໂລຊີ, ເພື່ອໃຫ້ສະມາຊິກຊາວໜຸ່ມທຸກສະຫາຍ ມີຄວາມຮູ້ຄວາມສາມາດເພື່ອ ຖ່າຍທອດເຕັກໂນໂລຊີທີ່ທັນສະໄໝສູ່ສັງຄົມ. ຮອດເວລາ 3:30 ໂມງ ພິທີໄດ້ປິດລົງຢ່າງຈົບງາມ.

Thursday, 29.06.2017 3:54 PM

 

 
     

Copyright (C) - ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ Department of Science and Technology Luangprabang Province - All Rights Reserved.

website: www.st-lpb.gov.la Tel: 071253546