ພິທີເປີດບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນໜ່ວຍພັກພະແນກວິທະຍາ ສາດ ແລະ ເຕັກໂນໂລຊີ (ພວຕ) 24 - 31 ກໍລະກົດ 2017

ຕອນເຊົ້າຂອງວັນທີ 24 / 7 / 2017 ເວລາ 8:00 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ ໄດ້ຈັດກອງປະຊຸມເປີດບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນໜ່ວຍພັກພະແນກວິທະຍາສາດ ແລະ ເຕັກໂນໂລຊີ (ພວຕ) ຂຶ້ນ ໃຫ້ກຽດເຂົ້າຮ່ວມ ມີສະຫາຍ ປອ ບົວຄົງ ນາມມະວົງ ກໍາມະການສໍາຮອງສູນກາງພັກ ຮອງເລຂາພັກແຂວງ ຮອງເຈົ້າແຂວງຫຼວງພະບາງ ຜູ້ຊີ້ນໍາບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນພັກ ກຸ່ມເສດຖະກິດ, ມີບັນດາສະມາ ຊິກພັກສົມບູນ ແລະ ສໍາຮອງ ເຂົ້າຮ່ວມທັງໝົດ 22 ສະຫາຍ ຍິງ 14 ສະຫາຍ. ຈຸດປະສົງແມ່ນເພື່ອ ປັບປຸງ ປົວແປງ ພາຍໃນໜ່ວຍພັກພະແນກວິທະຍາສາດ ແລະ ເຕັກໂນໂລຊີ ໃຫ້ປອດໃສ, ເຂັ້ມແຂງ ແລະ ໜັກແໜ້ນ.


 

ໃນພິທີ ສະຫາຍ ປອ ບົວຄົງ ນາມມະວົງ ກໍ່ໄດ້ໃຫ້ທິດຊີ້ນໍາ ໃນບັ້ນປັບປຸງ ປົວແປງ ພາຍໃນໜ່ວຍພັກ ໃຫ້ເອົາໃຈໃສ່ຢ່າງເລິກເຊິ່ງເຖິງຖອງ ກ້າຄິດກ້າເວົ້າ ຕໍານິ ສົ່ງຂ່າວ ກໍ່ສ້າງ ຊ່ວຍເຫຼືອ ເຊິ່ງກັນ ແລະ ກັນ ຢ່າງຈິງອົກຈິງໃຈ. ໃນກອງປະຊຸມຄັ້ງນີ້ບັນດາສະມາຊິກພັກສົມບູນ ແລະ ສໍາຮອງ ກໍ່ໄດ້ຮໍ່າຮຽນ ເອກະສານເດັດດ່ຽວ ປັບປຸງ ປົວແປງ ພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ແລະ ເອກະສານ ຕີລາຄາການຈັດຕັ້ງມະຕິ X ຂອງພັກ, ມະຕິ VII ຂອງອົງຄະນະພັກແຂວງ ແລະ ມະຕິກອງປະຊູມໃຫຍ່ຄັ້ງທີ I ຂອງໜ່ວຍພັກພະແນກວິທະຍາສາດ ແລະ ເຕັກໂນໂລຊີ. ບັ້ນດໍາເນີນຊີວິດການເມືອງຄັ້ງນີ້ ຈະດໍາເນີນໄປຕັ້ງແຕ່ວັນທີ 24-31 ກໍລະກົດ 2017.

Wednesday, 26.07.2017 10:17 AM

 

 
     

Copyright (C) - ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ Department of Science and Technology Luangprabang Province - All Rights Reserved.

website: www.st-lpb.gov.la Tel: 071253546