ພິທີປີດບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນໜ່ວຍພັກພະແນກວິທະຍາ ສາດ ແລະ ເຕັກໂນໂລຊີ

ຕອນບ່າຍຂອງວັນທີ 2 / 8 / 2017 ເວລາ 14:00 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງ ຫຼວງພະບາງ ໄດ້ຈັດພິທີປີດກອງປະຊຸມບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນໜ່ວຍພັກພະ ແນກວິທະຍາສາດ ແລະ ເຕັກໂນໂລຊີ ຂຶ້ນ ໃຫ້ກຽດເຂົ້າຮ່ວມ ມີສະຫາຍ ປອ ບົວຄົງ ນາມມະວົງ ກໍາມະການສໍາຮອງສູນ ກາງພັກ ຮອງເລຂາ ພັກແຂວງ ຮອງເຈົ້າແຂວງຫຼວງພະບາງ ຜູ້ຊີ້ນໍາບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນພັກ ກຸ່ມ ເສດຖະກິດ, ມີເລຂາໜ່ວຍພັກ, ບັນດາສະມາຊິກພັກສົມບູນ ແລະ ສໍາຮອງ ເຂົ້າຮ່ວມທັງໝົດ 21 ສະຫາຍ ຍິງ 14 ສະຫາຍ.

ໃນພິທີ ສະຫາຍ ສິງຄໍາ ພົມມະລັດ ເລຂາໜ່ວຍພັກ ໄດ້ຂຶ້ນຜ່ານບົດສະຫຼຸບ ສັງເກດຕີລາຄາ ບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນໜ່ວຍພັກ ໃນໄລຍະ 5 ວັນທີ່ຜ່ານມາ, ຈາກນັ້ນ ສະຫາຍ ປອ ບົວຄົງ ນາມມະວົງ ກໍ່ໄດ້ມີຄໍາເຫັນຕໍ່ພິທີປິດ ບັ້ນດໍາເນີນຊີວິດການເມືອງ ປັບປຸງ ປົວແປງ ພາຍໃນໜ່ວຍພັກ ໃນຄັ້ງນີ້, ໃນຕອນທ້າຍ ສະຫາຍ ສິງຄໍາ ພົມມະລັດ ເລຂາໜ່ວຍພັກ ກໍ່ໄດ້ຂຶ້ນຮັບຄໍາໂອວາດ ແລະ ກ່າວຄໍາຂອບໃຈ. ຮອດເວລາ 16:00 ກອງປະຊຸມໄດ້ປິດລົງຢ່າງເປັນທາງການ.

Thursday, 03.08.2017 1:59 PM

 

 
     

Copyright (C) - ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ Department of Science and Technology Luangprabang Province - All Rights Reserved.

website: www.st-lpb.gov.la Tel: 071253546