ການຕ້ອນຮັບຄະນະຜູ້ແທນຈາກ ມະຫາວິທະຍາໄລ PaiChai  ສ. ເກົາຫຼີ

ໃນຕອນເຊົ້າຂອງວັນທີ 8/09/2017 ເວລາ 10:00 ໂມງທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ ແຂວງ ຫຼວງພະບາງ ໄດ້ມີພິທີການຕ້ອນຮັບທ່ານສາດສະດາຈານ Dr. Dae yong Lin ພ້ອມດ້ວຍຄະນະ ຈາກມະຫາວິທະຍາໄລ Paichai ສ ເກົາຫຼີ ຕາງໜ້າພະແນກວິທະຍາສາດ ແລະ ເຕັກໂນໂລຊີ ມີ: ບັນດາຫົວໜ້າຂະແໜງ, ຮອງຂະແໜງອ້ອມຂ້າງພະແນກ ເຂົ້າຮ່ວມ, ສ.ເກົາຫຼີ ນໍາໂດຍທ່ານ Dr. Dae yong Lin ສາດສະດາຈານ ຈາກມະຫາວິທະຍາໄລ Paichai ສ. ເກົາຫຼີໃຕ້ ພ້ອມດ້ວຍຄະນະ.

ຈຸດປະສົງການປຶກສາຫາລືໃນຄັ້ງນີ້ ແມ່ນການສືບຕໍ່ຮ່ວມມື ແລະ ແລກປ່ຽນບົດຮຽນທາງດ້ານວຽກງານວິທະຍາສາດ ແລະ ເຕັກໂນໂລຊີ ເປັນຕົ້ນແມ່ນການສຶກສາຄົ້ນຄວ້າ ແລະ ເກັບກໍາບັນດາຂໍ້ມູນພື້ນຖານການນໍາໃຊ້ເຕັກນິກ ເຕັກໂນໂລຊີ ຢູ່ໃນບັນດາຫົວໜ່ວຍທຸລະກິດ ເພື່ອເປັນຂໍ້ມູນເຂົ້າໃນການພັດທະນາຊັບພະຍາກອນມະນຸດໃນບັນດາ 8 ແຂວງພາກເໜືອ ເພື່ອສ້າງເປັນສູນສຶກສາຄົ້ນຄວ້າ ແລະ ພັດທະນາສີມືແຮງງານ ໃນຕໍ່ໜ້າ.

 

 

Monday, 11.09.2017 2:47 PM

 

 
     

Copyright (C) - ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ Department of Science and Technology Luangprabang Province - All Rights Reserved.

website: www.st-lpb.gov.la Tel: 071253546