ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ພະແນກວິທະ ຍາສາດ ແລະ ເຕັກໂນໂລຊີ ແຂວງຫຼວງພະບາງ ແລະ ອົງການສົ່ງເສີມການຄ້າຕ່າງປະເທດ ແຫ່ງປະເທດຍີ່ປຸ່ນ JETRO ໄດ້ຈັດກອງປະຊຸມສໍາມະນາກ່ຽວກັບຊັບສິນທາງປັນຍາ ໃນ ຫົວຂໍ້: ‘’ຊັບສິນທາງປັນຍາໃຫ້ການປົກປ້ອງ ແລະ ສົ່ງເສີມທຸລະກິດຂອງທ່ານ’’

 

ຕອນເຊົ້າຂອງວັນທີ 16 / 8 / 2017 ເວລາ 8:00 ທີ່ຫ້ອງປະຊຸມ ໂຮງແຮມຈິດຈະເລີນ ກົມຊັບສິນທາງປັນຍາ, ກະຊວງວິ ທະຍາສາດ ແລະ ເຕັກໂນໂລຊີ ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ ແລະ ອົງການສົ່ງເສີມ ການຄ້າຕ່າງປະເທດແຫ່ງປະເທດຍີ່ປຸ່ນ JETRO ໄດ້ຈັດກອງປະຊຸມສໍາມະນາກ່ຽວກັບຊັບສິນທາງປັນຍາ ໃນຫົວຂໍ້: ‘’ຊັບສິນທາງ ປັນຍາໃຫ້ການປົກປ້ອງ ແລະ ສົ່ງເສີມທຸລະກິດຂອງທ່ານ’’
ໃຫ້ກຽດເຂົ້າຮ່ວມ ມີສະຫາຍ ປອ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ ມີທ່ານ ສິງຄໍາ ພົມມະລັດ ຫົວໜ້າພະ ແນກວິທະຍາສາດ ແລະ ເຕັກໂນໂລຊີ ແລະ ທ່ານ Motoki TAKADA ຜູ້ຊ່ຽວຊານທາງດ້ານຊັບສິນທາງປັນຍາ ປະເທດຍີ່ປຸ່ນ ປະຈໍາປະເທດໄທ, ມີບັນດາທ່ານຜູ້ຕາງໜ້າບັນດາພະແນກການ, ຫົວໜ່ວຍທຸລະກິດພາກລັດ ແລະ ເອກະຊົນອ້ອມຂ້າງແຂວງ ເຂົ້າຮ່ວມທັງໝົດ 55 ທ່ານ.

ຈຸດປະສົງໃນການຈັດປະຊຸມສໍາມະນາໃນຄັ້ງນີ້ແມ່ນເພື່ອ ເປັນການປົກປ້ອງ ແລະ ສົ່ງເສີມທຸລະກິດ ທາງດ້ານຊັບສິນທາງປັນຍາ, ການຈົດສິດທິບັດ, ອານຸສິດທິບັດ, ເຄື່ອງໝາຍການຄ້າ ເພື່ອໃຫ້ຫົວໜ່ວຍທຸລະກິດມີຄວາມເຂັ້ມແຂງ ແລະ ໝັ້ນຄົງ ເພື່ອຫຼີກ ລ້ຽງຈາກການລະເມີດລິຂະສິດ. ໃນຕອນທ້າຍ ທ່ານ ປອ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ ກໍ່ໄດ້ມີຄໍາເຫັນ ທ່ານໄດ້ເນັ້ນຢໍ້າເຖິງຂໍ້ດີໃນການໄປຈົດທະບຽນສິດທິບັດ, ອານຸສິດທິບັດ ແລະ ເຄື່ອງໝາຍການຄ້າ ຂອງຫົວໜ່ວຍທຸລະກິດ ເພື່ອໄດ້ຮັບການປົກປ້ອງທີ່ຖືກຕ້ອງຕາມລະບຽບກົດໝາຍ, ຮອດເວລາ 16:00 ກອງປະຊຸມໄດ້ປິດລົງຢ່າງເປັນທາງການ.

Friday, 18.08.2017 8:44 AM

 

 
     

Copyright (C) - ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ Department of Science and Technology Luangprabang Province - All Rights Reserved.

website: www.st-lpb.gov.la Tel: 071253546